די שיעורים וערן איבערגעגעבן דורך די צוויי באקאנטע טערעפיסטן און אויסגערןפענע מומחים און שלום בית הר״ר שלמה עהרליך נ״י און הר״ר שלמה עקשטיין נ״י
נאכדעם וואס זיי ביידע זענען עוסק טאג טעגליך מיט טעותים וואס זענען געשען ביים טוהן א שידוך מיט א קינד, זענען זיי געקומען צו די אנערקענונג אז מיטן געבן אביסל הדרכה פארן טוהן א שידוך קען מען העלפן פארמיידן אן א שיעור עגמת נפש פון עלטערן, יונגע פארפעלקער, און קינדער.

די שיעורים זענען א ערשטמאליגע דורכברויך אין די היימישע וועלט, וואו די צוויי מומחים האבן נאך שווערע הארעוואניע אויסגעארבעט א קלארע מהלך וויאזוי צו טוהן אלעס אין אונזער מעגליכקייט צו געבן די בעסטע פאר אונזערע קינדער, און אין די זעלבע צייט זיך נישט אוועק רירן פון די וועג וואס אונזערע רביס און עלטערען האבן אונז געלערענט

מיטן אוויסהערן די קריטיש וויכטיגע שיעורים וועט איר מיטן אייבערשטענ’ס הילף פארזיכערן אז איר טוט די בעסטע פון אייער זייט צו געבן פאר אייער קינד א גוטע געזונטע לעבן, און די גרויסע שמחה ביים שידוך שליסן זאל זיין בעזר השם א שמחה אויף אייביג